Wednesday, October 29, 2014

SIFA ZA WEMA WA MUNGU (Zab. 139:7-8) - REV. JOSEPH MAREGO

UTANGULIZI

Tabia nyingi za Mungu wa kweli na hasa sifa, za wema wake zinafanana na za mwanadamu. Hata hivyo sifa zake zipo katika kiwango cha juu kuliko ilivyo kwetu.

Isisitizwe kwamba uwezo wetu wa kuweka katika matendo tabia hizi unahusiana na kuwa kwamba sisi tumeumbwa tatika mfano wa Mungu (Mzo. 1:26-27) kwa maeneo mengine, sisi tuko kama yeye na siyo yeye kama sisi.

1.Mungu ni mwema (Zab. 25:8, 106:1 Mk. 10:18) yote yaliyokuwa yameumbwa na Mungu tangu mwanzo yalikuwa mema, maendelezo ya asili yake mwenyewe. (Mzo. 1:4, 10, 12, 18, 21, 31). Anaendelea kuwa mwema katika uumbaji wake kwa kuutegemeza kwa niaba ya viumbe wake wengine wote (Zab 104:10-28, 145:9).

NB: Mungu ni mwema hasa kwa watu wake wamwitapo katika kweli (Zab. 145: 18-20)

2.Mungu ni upendo (1Yoh. 4:8). Upendo wake hauna ubinafsi ni upendo unaokumbatia dunia nzima ya mwanadamu mwenye dhambi (Yoh. 3:16, Rum. 5:8). Udhihirisho unaonekana kumtuma mwanaye pekee Yesu kuwafia wenye dhambi (1Yoh. 4:9-10).

3.Mungu ni wa huruma (2Fal. 13:23, Zab. 86:15, 111:4)

Kuwa na huruma maana yake ni kusikitika kwa makosa ya mtu mwingine apatayo, na kuwa na shauku ya kumsaidia.

Katika huruma yake kwa mwanadamu, Mungu anatoa msamaha na wokovu (Zab. 78:38).

Tahadhari: Hata hivyo uumilivu wa Mungu na msamaha visitumiwe vibaya, kwa kutotii kwa kudhamiria na kuasi. Kama tutaendelea kumhuzunisha kwa dhambi zetu, hatimaye atatuhukumu kwa ghadhabu yake kama alivyofanya kwa Israel (Ebr. 3:7-19).

4.Mungu ni mvumilivu na siyo mwepesi wa hasira (Kut. 34:6, Hes. 14:18, Rum. 2:4, 1Tim. 1:16).

Mungu kwa mara ya kwanza alionesha tabia yake katika bustani ya Edeni, baada ya Adamu na Hawa kutenda dhambi. Alikuwa na haki ya kukiharibu kizazi cha mwanadamu, lakini hakufanya hivyo (Mzo. 2: 16-17)

Mungu pia alikuwa mvumilivu katika siku za Nuhu wakati safina ilikuwa imejengwa (1Pet. 3:20). Bado Mungu anakivumilia kizazi chenye dhambi cha mwanadamu. Hatoi hukumu sasa hivi ya kuiangamiza dunia, kwasababu anangoja kwa uvumilivu ili kumpa kila mtu nafasi ya kutubu na kuokolewa (2Pet. 3:9).

5.Mungu ni mkweli (Kumb. 32:4, Zab. 31:5, Isa. 65:16, Yoh. 3:33)

Yesu alijiita mwenyewe ''kweli'' (Yoh. 14:6) na Roho anajulikana kama Roho wa kweli (Yoh. 14:17).

6.Mungu ni mwaminifu (Kut. 34:6, 7:9 Isa. 49:7, Ebr. 10:23).

Mungu hufanya yale yaliyofunuliwa katika Neno lake, ahadi zake na tahadhari (Hes. 14:32-33, 2Sam. 7:28, Ay.34:12, Mdo. 13:23, 32-33)

Uaminifu wa Mungu unaleta faraja kubwa kwa waumini


...................................................................inaendelea......................................................

Imetayarishwa na

Rev. Joseph Marego.

Mob: +255754334640, 255712498080    email: tanzaniagospel@yahoo.com

Saturday, October 25, 2014

Elly David conference at Breakthrough assemblies of God




APPRECIATION TO OUR PARTNER; ELLY DAVID FROM DAR ES SALAAM -TANZANIA


Tanzania Gospel Network (TGN)wishes to express the inner and heart-felt gratitude towards the financial and moral support by the Man of God; Elly David. His courage and comfort have made us make steps to where we are now. TGN's prayer is that God Almighty would bless him, with all the blessings of Abraham and eventually the eternal life (Zoe) in Jesus' name.

Saturday, October 18, 2014

SEMINA SEMINA SEMINA...

Ni semina ya NENO la Mungu inayoendelea katika kinisana la EAGT Tbata Kimanga... Imeandaliwa na vijana wakinisa hapo... Semina hiyo itaisha jumapili ya tarehe 19/10/014. Jumapili hiyo itaambana na tamasha la kusifu na kuabudu.. Wote mnakaribishwa. Jinsi ya kufika panda gari la tabata kimanga shuka kituo Jiandae upande huohuo ulioshukia utaona barabara kanisa lipo mt 200 kutoka barabarani. Muda ni saa 9:30 Karibu sana...

Thursday, October 02, 2014

Wednesday, October 01, 2014

ELLY DAVID DAVID REACHING OUT TO SOULS IN AFRICA

MV MAGOGONI YASHINDWA KUTIA NANGA. YAPOTEZA UELEKEO NA KUELEKEA ZANZIBAR

  • MWANAFUNZI MMOJA AZIMIA
  • ABIRIA WACHANGANYIKIWA
  • WAWAPIGIA SIMU NDUGU ZAO KUTAFUTA MSAADA

Siku ya jana tarehe 30/09/2014 majira ya asubuhi, kivuko cha siku nyingi cha MV Magogoni kiliwaweka watu wengi, hasa abiria waliokuwamo ndani ya kivuko hicho katika tafrani kubwa na sintofahamu, baada ya kushindwa kutia nanga na kuwapa abiria wasaa wa kushuka na kuendelea na majukumu yao ya kila siku ikiwemo kujitafutia ridhiki.

Kivuko kilipokaribia kutia nanga, kilijikuta kinamshinda nahodha, na kujikuta anaenda uelekeo wa Zanzibar pasi kuwa na ridhaa ya kwenda huko. Hapo ndipo abiria wengi wakaanza kupiga
 mayowe huku wengine wakiwapigia simu ndugu zao wakiomba msaada.

Kivuko hicho kilienda kombo hadi kufika kwenye mitumbwi ya wavuvi, iliyo karibu na soko la "ferry". Baada ya jitihada nyingi kufanyika kivuko kilifanikiwa kutia nanga na watu kushuka huku wakiwa wamegubikwa na hofu kubwa iliyotanda ndani 

ya mioyo yao.

|Aidha, mwanafunzi mmoja, binti, alipoteza fahamu na kuzimia baada ya kupata mshituko uliotokana na kivuko hicho kwenda kombo kwa muda wa takribani nusu saa. Lakini, hadi abiria wanashuka katika kivuko, haukujulikana mpango wowote uliofanyika kumpa msaada wa kitabibu huyo mwanafunzi.

Baada ya abiria kushuka kwa taabu iliyotokana na msukosuko uliotokea majini, wataalamu walishirikiana na baadae kupiga mbizi na kutoa uchafu uliokuwemo katika injini na hivyo kukiwezesha kivuko kuendelea na shughuli zake bila tatizo hilo kujiokeza tena.

Wakati hayo yote yanatokea, kivuko kingine kinachofanya kazi ya kuvusha watu kutoka eneo la Magogoni hadi Kigamboni ambacho hivi karibuni kimetoka katika matengenezo, MV Kigamboni, kilikiwa kinafanya kazi yake vizuri ya kuwavusha abiria, kikiwa imara na kasi maradufu ya kivuko cha MV Magogoni.

Wakati wa jioni, baadhi ya wananchi walikosa imani na MV Magogoni, baada ya kukataa kukipanda na kusubiria kupanda kivuko cha MV Kigamboni. Lakini muda mfupi, baada ya kuondoka MV Magogoni, Askari kanzu mmoja aliyevaa shati la mikono mifupi, na kusikika akiongea lafudhi ya Kihaya, alionekana akiwakomoa abiria waliokataa kupanda MV Magogoni kwa kuwakatalia katu katu kupanda MV Kigamboni, kilichokuwa kinaelekea Kigamboni. Alipoulizwa ni kwanini amefanya hivyo, akajibu kuwa kuna gari ndani ya kivuko ambalo linakijaza mafuta, hivyo hawapaswi kupanda. Kivuko kilivusha magari, ilhali kikiwa kimebeba magari mengi yaliyofurika ndani yake.

Kivuko cha MV Kigamboni, kilirudi mapema kabla ya MV Magogoni na kuruhusiwa kubeba abiria, 

baaada ya zoezi la ujazaji wa mafuta kukamilika.

Kutokana na matatizo mbalimbali wanayopata watu wanaotumia kivuko, ni wakati muafaka kwa Serikali na wananchi kwa ujumla, kuona kuwa zinahitajika jitihada za makusudi kushughulikia suala hili, ili yasije yakatokea maafa ambayo yataigharimu serikali mamilioni ya shilingi kuliko ingelishughulikia suala hili mapema. Tukumbuke kuwa "usipoziba ufa, utajenga ukuta".




Picha kwa hisani ya "michuzijr2.wordpress.com"